REGISTRES DU BUREAU

[i5oi]

CVIII. — Procès verbal de Simon Radin, conseiller, et rappors de M^es des euvres

TOUCHANT LES MAISONS DU PONT Qu'lL CONVENOIT AVOIR POUR FAIRE LA MASSE DU PONT DU COSTE S' DENIS DE LA ClIARTRE.

17 août i5oi.

L'an mil cinq cens et ung, le mardi dix septiesme jour du moys d'Aoust, à la requeste de sire Nicolas Potier, Prevost des Marchans de la ville de Paris; maistre Jehan de Merle, advocat en Parlement, sire Jehan Le Lievre, sire Henry Le Begue et sire Jehan de L'Olive, Eschevins de lad. ville de Paris, et maistre Jaques Rebours, Procureur d'icelle Ville; nous, Simon Radin, conseiller du Roy nostre s^c en sa Court de Parlement et commissaire de par icelle en ceste partie, sommes transportez au bout du pont Nostre Dame du costé de la Cité, pour mettre à execution l'ordonnance de lad. Court touchant les maisons estans au bout dud. pont qu'il convenoit prandre pour faire la masse de l'espaullement dud. pont, selon les rappors des jurez charpentiers et maçons qui avoient par cy devant veu <²', par ordonnance de mons^r messire Guillaume de Poictiers, chevalier, s^r de Clerieulx, gouverneur de Paris, et de nous et autres commissaires à ce ordonnez par lad. Court.

Et pour ce que par les rapports, tant premier, second que tiers, fais en ceste matiere, avons trouvé qu'il convenoit prandre entierement la maison de Nicolas L'Aisne bonnetier demourant aud. bout du pont, partie de la maison de Robert Le Tellier marchant drappier, de Gillette Hannequin vefve et heritiers de feu Jehan de Malleville, et de Claude Chouart et ses consors, comme contenu est esd. rapportz, avons fait venir et comparoir par devant nous, environ deux heures après mydi, Le Tellier et vefve, ensemble led. Claude Chouart, autrement son procureur;

En la presence desquelz led. m° Jehan de Merle pour lesd. Prevostz et Eschevins de lad. Ville, nous a requis que, en ensuivant certain arrest et ordonnance d'icelle court, ensemble les deux rapportz faiz en ceste matiere, desquelz la teneur est cy dessous transcripte, ainsi qu'i s'ensuit :

(Fol. ₇3 r°.)O

[Premier rapport ⁽³⁾.] 3o janvier 15oo.

"L'an mil cccc im" dix neuf, le jeudi xxx⁰ jour de Janvier, de l'ordonnance et commandement de mons' messire Guillaume de Poictiers, chevalier, lieutenant et gouverneur pour le Roy nostre s° en la ville de Paris, et de mess", etc. r,

Second rapport W. 4 août i5oi.

" A noble et puissant s^r mons^r le Gouverneur de la ville de Paris, et à mess" maistres Jehan Bouchard et Simon Radin, conseillers du Roy nostre s^c en sa Court de Parlement: Jehan de Gondeval, Estienne Viguier, maçons; Didier Gobert, Denis Toslet, charpentiers jurez du Roy nostre s^e et officiers de maçonnerye et charpenterie; et Jehan Marchant le Jeune, aussi charpentier, bachelier oud. mestier et m^e des euvres du Roy nostred. s^c, honeur et reverence.

"Nos trés honorez s", plaise vous sçavoir que, de vostre commendement à nous fait de bouche, le mercredi quatriesme jour d'Aoust l'an mil cinq cens et ung, nous nous sommes transportez es maisons de honorables personnes Nicolas L'Aisne bonnetier, Robert Le Tellier drappier, de la vefve feu Jehan de Malleville, et de Claude Chouart, à Paris, sur le bout du pont Nostre Dame, du costé de l'eglise Saint Denis de la Chartre, pour veoir et visiter les maisons, tant pour toiser et mesurer ce qu'il convient prandre desd, maisons pour la reffection du dit pont Nostre Dame, comme pour priser et estimer ce quîl conviendra prandre desd, maisons; lesquelz maisons, en la presence desd. Nicolas L'Aisne, Robert Le Tellier, la vefve feu Jehan de Malleville, tant en son nom que comme tuteresse de ses enffans, et dud. Claude Chouart pour luy et pour ses freres, nous avons veues, toisées et mesurées, prisées et estimées en la maniere qui s'ensuit :

"' Nouvelle interpolation. Dans l'état actuel du .Registre, cet article prendrait le numéro d'ordre CXII. ^(s' A la date des 3o et 31 janvier 15oo, art. XXIl ci-dessus. ⁽3> Ce premier rapport n'est autre que l'article XXII ci-dessus.

'⁴⁾ Pour le deuxième rapport, voyez au même article XXII, seconde partie (dont il est la reproduction technique), et aux notes de Ia page 17 en ce qui concerne les chiffres de prisée.